旁白：
在澳門，杜煥得舊友王德森瞽師幫忙安頓，又介紹他到茶樓賣唱。那兒附近都是旅店，客人很多，不到一星期杜煥就吸引了不少知音客，並結交不少同行朋友。後來他又到一家叫裕京的賭場附屬餐廳，每晚半夜二時唱到清晨五時，有不少捧場客，收入十分穩定。

曲詞：
我初到係澳門，我估話生活好搵呀，我估從此在此地就永久安心，因為一到嗰時就有多客幫襯，一個星期唔夠，客店個個亦都知有我此人。正所謂估話地頭合得我呀，合我一生命運啩，估話在此居留就可有根，日過夜來皆一樣呀，生意向來又極之勻。光陰係易過喇一定唔需問呀，生活係好哩，生活好就定然係嘅安心……（說）唉！估話逃到澳門好安樂啦。一到個埠呀，一個星期所有咁多客店呀，除咗中央之外呀，真係好多間客店都知道有我本人，過咗去嚟賣唱。所以哩，在嗰年呀去到，晚晚出檔真係可謂講得應接不暇咁巴閉嘅。吓，咁呀好啦，正所謂在香港撈到呀，吓，絕地之時，到澳門，唉！估話死而復生呀，非常個心安定嘞。