長篇龍舟《武松祭靈》選段：杜煥演唱

龍舟也有長篇故事，能唱南音木魚曲目，但曲詞相對南音要精簡，節奏要加快。
此段《武松祭靈》，在《水滸傳》第二十六回只有二、三百字，杜煥的演繹既詳盡亦生動。唱者強調手足之情，武松在靈前啼哭，涕淚交流，令聽者投入動容。

曲詞：
咁就忙把了祭禮，祭祀亡兄， 虔心呀奉過，奉過清香，呀，哥呀你要有靈。 哥呀你生時軟弱，呀，死後嘅亡魂須醒呀， 我估話天長地久，有弟有兄。 呀，睇我常時早晚，都係把哥哥掛念呀， 响我自從去後呀，在外都係不寧 ， 睇我時刻嘅提防，防住哥你被人害命呀， 呀，我知你生平懦弱係太不應。 記得我臨別嗰時，就叫你常常醒定呀， 誰知今日咁就現出真情。 因為爹娘生你共我喇，兄弟一雙， 唉，估話手足相關日久長。 點想今日一旦都成灰，二同陰陽兩樣呀？ 不出吾所料喇，竟把你命嘅傷。 哥呀，究竟誰人將你嘅命，命喪呀？ 今晚願你有靈有聖喇，咁就說我知詳。