曲詞：
（說）一九七一，一九七二，吓！咁就兩年竟然在街頭賣唱。係咁唱呀聽人（等待人），俗語有句實係聽人施捨，唉！初時真係垂頭喪氣，掩埋雙面，咁嘅人，俗語有講，做慣就唔知覺咁喇。咁呀，幸得啲行家嚟攜帶我去，如果無人帶我去哩，嚟遮掩住哩，我相信任何都唔會，唉！出身做到呢樣。咁呢啲，亦都好感謝我哋啲行家維持。因為往常呀我在電台之時，夾而且往陣呀，一向都冇同啲人嚟到群集乜滯嘅，點解哩？因為格格不入，係嘞！我哋要一係呀唱嘢賺錢，一係卜算賺錢啫，邊處話諗到喺個街邊嚟，吓！等於係丐食一般哩。故此呀，得佢攜帶，非常感謝，又係生路一條。