偶有召唱.收入稍增(二)

曲詞:
哦!原來呢一個係我拍,舊日嗰個拍檔係夥記,就係何臣尋搵,我問他言。原來叫我某日某時一齊去呀,去邊處呀?佢話你們共我去嗰處係李寶椿,佢話我亦不知誰人所叫呀,佢都唔知道,無非兩個前去係為嘅賺錢 ……(說)吓!我話何臣,究竟邊一個叫呢?佢話佢都唔知喎。哈,我想我哋搵食真係浮到不了呀,邊個都唔知嘅,佢話唔知呀。呢個叫做亞九介紹嘅,咁呀又有個唔知乜嘢姑娘咁 。咁呀佢話叫我哋呀去李寶椿大廈十一樓,你最緊要唔好應承第二處。咁呀,幾錢呀?佢話每人二百。咁幾耐呢?佢話唱兩支嘢啫。咁呀當堂就應承嘞。呀!好彩數唔使問人有人帶路,乜嘢哩?何臣嘅老婆吖嘛,佢有個八婆帶路,咁就一個錢唔使破費,竟然有車來接,一齊共載。(唱) 齊歡喜呀,共佢一齊去再共一時。



遵守2A級無障礙圖示,W3C (打開新視窗)