戰後賣唱私娼興盛

吳瑞卿旁白：
捱過大戰，杜煥又恢復在妓院娼寮賣唱。當時香港早已禁娼，杜煥賣唱的是在私娼地方。

杜煥講話：
（榮：嗰時有冇啲常客搵你？） 有，如果冇就弊啦！係得兩條街計埋，係得十間八間係中意之嘛！第啲唔中意呀嘛！ （榮：雞搵你抑或啲人客搵你？）雞！ （啲人客俾錢囉？咁你唱幾耐？）多數就係個零鐘頭，多數係；唱兩支嘢就個零鐘頭啦！嗱，唱一支《問米》，抑或唱一支《男燒衣》，咁就個幾鐘頭啦！一個鐘頭過外啦！ （榮：人客啱啱到嗰時唱，還是走嘅時候唱？）唔係！唔係咁嘅！係過夜嗰啲呀！過夜客，佢唔係話就咁嘅客，冚把冷（上去聲）都喺處過夜，喺處又請食霄夜呀咁嘅。差不多成日嗰個老舉啲皮費都係佢嘅啦！