賭館興起娛樂場

吳瑞卿旁白：
戰後經過幾年復元，市面漸漸昇平，娛樂場所紛紛興起。當時的所謂娛樂場，主要講賭館。杜煥記得1944年尾，在深水埗、旺角和油麻地，開始有賭館出現。

杜煥講話：
不過開娛樂場哩，就1944。1944就12月23，我哋唐曆計。嗰陣開始有娛樂場嘞！ 深水埗就「大華」啦，同埋裡便「恒芳」啦，仲有好多我唔知架，油麻地就「品心」、「大觀」啦，「大觀」即係家陣時嘅「萬壽宮」呀嘛，「彌敦」啦 ….. （榮：主要都係賭錢囉？賭乜嘢？麻雀呀咁？） 骰寶、牌九、番攤，呢三樣！