Loading the player...

作曲:Irving Burgie
作詞:胡文森
主唱:鄭碧影、鄭君綿

男唱:唉唷唉唷
   週身郁躝得一身都蟻
女唱:唉唷唉唷
   週身郁躝得一身都蟻
男唱:拮得猶如用利錐拮入格肋底
   拮一拮拮得有郁身郁勢
女唱:拮得痕痕癢癢真犀利似錐仔
   拮幾拮拮得西身西勢
男唱:西吓西吓 
   西幾西西甩呢一身蟻
女唱:郁吓郁吓 
   心急急急得擺手擺勢
男唱:蟻咬暗暗抵咯
   詐詐諦諦
女唱:喂 猛跳震跌啲蟻
   詐詐諦諦
女白:哈 邊個咁抵死
   放的蟻落我地個身上面呢吓
男白:揼大力的躉甩佢啦
女白:死喇 揼到鞋踭都甩左囉
男白:除左佢喇傻鬼
女白:係噃 哎吔 哇撞鬼你咩
   踩親我隻腳趾添
男白:唉對唔住 我除埋鞋陪你
女白:喂 不如唔好跳咯
男白:唔得架 跳舞比賽呀嘛
   不能夠中途退出口嘅
女白:你睇吓
   跳到我週身都濕哂咯
   成額頭都係汗 唉
男白:我唔止出汗添 
   而咦 罩忌咯
男白:哎吔 弊啦 
男唱:皆因搖頭揼地衫抆爛
   褲都甩 
   架丟清今晚認真倒米
   唉唷唉唷 
   西不甩點西都一身蟻
女唱:唉唷唉唷
   西不甩點西都一身蟻
合唱:當作跳舞姿勢詐詐諦諦
   我當跳舞新法夠曬架勢
   個個讚我好野你咪當曳噃
   失禮 失禮
53 / 100
<
>